LUDITARDE
ÚLTIMA HORA 5 xaneiro
Hoxe acordouse coa Concellería de Educación e a Federación de APAs que o luns 9 de xaneiro haberá LUDITARDE no noso centro.
A vindeira semana reuniranse a directiva da APA RASA e a Concellería de Educación para aclarar algúns puntos do convenio. Esperamos poder chegar a un acordo que permita continuar coa actividade ate o remate do curso.
O CONVENIO
O pasado xoves 29 de decembro recibimos por correo electrónico, da Concellería de Educación, o convenio definitivo para as actividades extraescolares do ano 2012. Hai que aclarar que é un convenio xenérico, non particular para o noso centro. Podedes descargalo eiquí: convenio.pdf
O luns 2 de xaneiro organizamos unha xuntanza coa Xunta Directiva da APA, unha representación da Comisión de Pais do CEIP Ramón de la Sagra e dous representantes dos monitores de Luditarde.
Resumido, este convenio desenvolve con detalle as actividades de Deporte no Centro e Ocio Educativo, mais de Luditarde simplemente di que é compatible coas outras actividades e que os precios se manteñen.
Especifica que os 12.000€ son unha contía máxima (en dous pagos de 8.000€ y 4.000€ no primeiro e o segundo semestres respectivamente) e que, no caso de que o Concello Escolar non aprobe o programa Ocio Educativo no centro, haberá que devolver a cantidade destinada ó monitor desta actividade (aínda que non concreta o importe).
Neste sentido, a directiva da APA xa notificou á Concellería de Educación hai tempo que 12.000€ apenas nos chegarían para manter LUDITARDE no 1º semestre do ano (e para iso se se empregan íntegramente).
Tampouco queda claro, coma se comprometeu a Concellería, que no caso de necesitar máis cartos sexa o Concello que os poña.
O mesmo luns respondimos á Concellería ( resposta.pdf) manifestando o noso desacordo con este convenio pero polo de agora non recibimos resposta algunha.
Últimas xestións realizadas:
- venres 23: entrevista cos técnicos da FEDERACIÓN, a petición nosa, para recabar os datos do que costa o servizo LUDITARDE no noso centro. Aclaramos que a carta de revocación que lles enviáramos é relativa á negociación co Concello, non unha negativa a que eles xestionen LUDITARDE, coma entenderan
- venres 23 - martes 27: elaboración, pola nosa tesoureira Inma Riveira, dun completo informe de costes de LUDITARDE baseado nos datos recabados de FEDERACIÓN, que confirma que ó noso centro non lle chegan 12.000€ para desenvolver a actividade
- martes 27: xuntanza da APA (Pilar Núñez, presidenta; Inma Riveira, tesoureira; Lorena Castelo, vogal) e a Concellería de Educación (Sr. Mourelo, concelleiro; Sr. Varela, xefe de área) para entregarlles o devandito informe de costes de LUDITARDE e comentarlles a nosa preocupación porque todos os cálculos feitos recollen a reducción drástica do salario dos monitores (recollido no convenio sectorial que lles corresponde).
O resultado da xuntanza foi o compromiso da Concellería de incluir, no convenio que nos propoñan, a garantía de que o Concello aportará a contía económica necesaria para o desenvolvemento de LUDITARDE no noso centro e a exención de ter que ofertar o programa "Ocio gratuíto" ate o vindeiro curso (sempre que o noso Consello Escolar o autorice)
- luns 2 de xaneiro: xuntanza da Xunta Directiva da APA, unha representación da Comisión de Pais do CEIP Ramón de la Sagra e dous representanres dos monitores de LUDITARDE para analizar o convenio definitivo
Saúdos, grazas pola vosa paciencia e ¡Feliz 2012!
APA RASA